Day 3 之露營記🏕️
第二日是落雨
第三日是落大雨🤣
前一晚入睡前 強哥都好considerate
提議聽朝起身 我地駕車去遠點嘅地方
唔使係雨中坐喺個campground
其實落雨一件事 凍係另一件事
加拿大氣溫一drop 真係可以好誇張
三度🥶🥶🥶
表哥表嫂好好 見我哋有呢個提議
佢地心目中都有地方想帶我地去睇
其中一個瀑布真係超超超壯觀
可惜真係太大雨太凍
所以唔留得耐
下次好天一定要再黎過 因為真係好靚
果晚我地去左Lake Louise 嘅一間餐廳食晚飯🤣
因為真係大雨到camp fire都應該點唔起😂
之後我哋返返campground繼續淋雨
對於我黎講
我鐘意同西人相處嘅其中一個原因係
佢地細細個嘅家庭和學校教育
令佢哋思想好彈性 好懂得have fun 同活在當下
好多事一句” who cares” 就繼續move on
無野好阻礙到佢哋
而好多時我地嘅父母由細到大
都會話唔好做呢樣唔好做果樣
好多局限令我哋比較容易處於一個愛批評
同負面嘅思維
當然呢d野都好個人
但我個人感受就係咁囉
最後果晚我地一齊淋住微雨圍住個camp fire 傾計
表哥話佢好鐘意帶小朋友去Camping
因為除左係一個便宜又好玩嘅假期
仲係一個好好嘅經驗
讓小朋友明白到其實我哋並唔需要常常處於
一個好舒適嘅環境
係野外 你要懂得保護自己
同時可以好好explore大自然
講真我哋就算而家提供到一個舒適嘅環境比小朋友
都唔擔保將來比到佢哋
就算你再有能力留副好好嘅身家比佢哋
如果佢哋唔識面對逆境自強
將來佢都可以敗晒去
所以為左我兩個細路嘅將來
我會努力愛上camping 🤣
而強哥已經好有計劃地plan好兩星期後再出發😂
Search